RippleFlow կրթական-ինքնազարգացման նախագիծը իր մասնակցությունն է ունենում «Մխիթար Սեբաստացի» կրթահամալիրի կողմից կազմակերպված «Տեխնոճամբար 2024» ցուցահանդեսին՝ ներկայացնելով նախագծային-հետազոտական երկու բաղադրիչ․
Կրթական դասընթացներ
Կամավորական աշխատանքներ
RippleFlow-ի կրթական դասընթացներից են «Խաղերի ստեղծումն ու անիմացիան», «Ֆիլմստեղծումն ու կինեմատոգրաֆիան»։
Խաղերի ստեղծման և անիմացիայի ակումբում մեր սովորողները կարող են զրոյական մակարդակից սկսել իրենց ուսումն ու կատարելագործումը խաղերի զարգացման ոլորտում։ Մուտք գործել խաղերի դիզայնի, կոդավորման և անիմացիայի աշխարհ և կյանքի կոչել իրենց հետաքրքիր խաղային գաղափարները: Մեր դասընթացավարների խմբի ու ստեղծագործական թիմի կողմից սովորողների համար ինտերակտիվ ու որակյալ ակուբային ծրագիր է մշակվել, որի շրջանակներում սովորողները սկզբնական գաղափար կկազմեն խաղերի և անիմացիայի աշխարհի մասին, կծանոթանան տարբեր խաղային զարգացման ծրագրերին ու կտիրապետեն դրանցից օգտվելու հմտություններին։
Ֆիլմստեղծման և կինեմատոգրաֆիայի ակումբում մեր սովորողները կարող են զրոյական մակարդակից սկսել իրենց ուսումն ու կատարելագործումը ֆիլմարտադրության ոլորտում։ Մուտք գործել լուսանկարչության, ստեղծագրության և մոնտաժի աշխարհ ու կյանքի կոչել իրենց հետաքրքիր ֆիլմային գաղափարները: Մեր դասընթացավարների խմբի ու ստեղծագործական թիմի կողմից սովորողների համար ինտերակտիվ ու որակյալ ակուբային ծրագիր է մշակվել՝ հիմնված հենց սովորողների կարիքների, ոլորտի թիրախային խնդիրների վրա, որի շրջանակում սովորողները փուլ առ փուլ կծանոթանան ֆիլմարտադրության ոլորտի ամեն մի բաղկացուցիչ օղակին․ լուսանկարչություն և տեսանկարահանում, սցենարների շարադրում, ռեժիսորություն, թատերական ու բեմական խոսք, դերասանություն, ձայնադրում և մոնտաժ։ Բոլոր մակարդակներից անցնելուց հետո սովորողները կարող են մեր նախագծային թիմի օգնությամբ իրագործել իրենց ֆիլմային և թատերական ներկայացումների ստեղծագործ գաղափարները։
RippleFlow կրթական-ինքնազարգացման նախագիծը պարբերաբար կազմակերպում և նախաձեռնում է և՛ հանրօգուտ, և՛ այլ բնույթի կամավորական աշխատանքներ երիտասարդների համար, այդ թվում՝ երկարաժամկետ և կարճաժամկետ։ Կամավորական աշխատանքների ընթացքում մենք համագործակցում ենք մի շարք կազմակերպությունների հետ և մեր փորձառությամբ կիսվում երիտասարդների, կամավորների հետ, ովքեր նույնպես իրենց ներդրումն են ունենում մի շարք երիտասարդական միջոցառումների, աշխատանքների մեջ։
Մեր կամավորությունների ընթացքում փորձ ստացած կամավորները իրենց հմտություններն ու կարողությունները զարգացնում և ներդնում են սոցիալական կյանքի մի շարք աշխատանքներում և դեպքերում։
Միանալով RippleFlow-ի կամավորական աշխատանքներին՝ դուք հնարավորություն կունենաք համատեղելու օգտակարը հաճելիի հետ և ծանոթանալու կամավորության տարբեր բնույթներին։
Դե ինչ, եթե քեզ հետաքրքրեցին մեր նախագծերը, ապա ավելին իմանալու համար, սպասում ենք քեզ «Տեխնոճամբար 2024» ցուցահանդեսին՝ մեր տաղավարում։
Comments